මස්කෙළිය මාඋස්සාකැලේ වතුයායේ වතු නිවාස පේලියක (ලයින් කාමර පේලියක) 17වන දින රාත්‍රි හටගත් ගින්නකින් වතු නිවාස 08ක් විනාශයට පත්ව ඇත.
17වන දින රාත්‍රි 11.45ට පමන මෙම ගින්න හට ගෙන ඇති අතර මෙම ගින්න හේතුවෙන් විනාශයට පත්වු ලයින් කාමර 08 පදිංචිව සිටි 17 දෙනකු අවතැන්ව ඇති අතර එම පිරිස මේ වන විට එම වතුයායේ පුස්ථකාලයේ නතරව ඇත.
මෙම වතු නිවාස පේලියේ වතු නිවාස 12ක් පවතින අතර එයින් වතු නිවාස 08කට මෙම ගින්නෙන් හානි සිදුව ඇති අතර මෙම ගින්න හටගත් අවස්ථාවේදි මස්කෙළිය පොලිසිය එම වතුයායේ පිරිස් එක්ව මෙම ගින්න නිවා දැමිමට පියවර ගෙන ඇත.
මේ පිලිබදව කරන ලද විමසිමකදි අදහස් දැක්වු මස්කෙළිය පොලිසියේ නිලධාරියකු පවසන ලද්දේ විදුලි කාන්දුවක් හේතුවෙන් මෙම ගින්න හටගන්නට ඇතැයි සැක කරන බවත් මේ පිලිබදව මස්කෙළිය පොලිසිය වැඩි දුර පරික්ෂන ආරම්භ කර ඇති බවත්ය.
මනුර සුදත් සෙල්ලහේවා – හැටන්
