මේ ප්‍රදේශයේ ජනතාව ඔවුන්ගේ වටිනා ඡන්දයෙන් මාව පාර්ලීමේන්තුවට පත් කලහොත් මට පාර්ලිමේන්තුවෙන් ලැබෙන වැටුප හා සියළුම දිමනා මේ ප්‍රදේශයේ ජනතාවගේ සුභ සාදනය සදහා යෙදවිමට පියවර ගන්නා බව නුවරඑළිය දිස්ත්‍රික් එක්සත් ජාතික පක්ෂ අපේක්ෂක කේ. කේ. පියදාස මහතා පවසයි.
හැටන්හි ඔහුගේ කාර්යාලයේදි මාධ්‍ය වෙත අදහස් දක්වමින් වැඩි දුරටත් අදහස් දැක්වු කේ. කේ. පියදාස මහතා මම පාර්ලීමේන්තුවට යන්නේ මේ ප්‍රදේශයේ ජනතාවට යම් සේවයක් කිරිමට මිස මංත්‍රි පදවිය තුලින් හබ්බකරන්න නොවෙයි එම නිසා මේ ජනතාව ඔවුන්ගේ වටිනා ඡන්දය බාවිතා කර මාව පාර්ලීමේන්තුවට යැවිමට පියවර ගතහෝත් පාර්ලීමේන්තුවෙන් මට ලැබෙන වැටුප ඇතුළු සියලුම දිමනා මේ ප්‍රදේශයේ ජනතාවගේ සුබ සාධන කටයුතු වෙනුවෙන් වැය කිරිමට පියවර ගන්නවා.
පසු ගිය කාලයේදි මම පාර්ලීමේන්තු මංත්‍රිවරයකු ලෙස කටයුතු කල විටදිද මට ලැබුන වැටුප හා දිමනා මම වැය කලේ මේ ප්‍රදේශයේ ජනතාවගේ සුභ සාධනය වෙනුවෙන් එයින් වැඩි මුදලක් වැය කරන ලද්දේ මේ ප්‍රදේශයේ අහිංසක ජනතාවගේ යම් අයකු මිය ගිය විට එම අයට අවශ්‍ය මිනි පෙට්ටි ලබා ගැනිම සදහායි.
එම තත්වයන් මේ ප්‍රදේශයේ බොහෝ දෙනකු දන්නා දෙයක් අද මෙම මැතිවරණය සදහා පක්ෂ හා ස්වාධිණ කණ්ඩායම් 28කින් අපේක්ෂකයන් 308 දෙනකු තරග කරනවා මේ කිසිම අයකු සමග මගේ තරහක්වත් වෛරයක්වත් නැහැ මම කිසිවෙක් විවේචකය කරන්න යන්නෙත් නැහැ මට අවශ්‍ය මේ ජනතාවට යම් සේවයක් කිරිමටයි.
මේ නුවරඑළිය දිස්ත්‍රික්කයේ ජනතාවට ප්‍රශ්න රාශියක් පවතිනවා රැකියා ප්‍රශ්ණ, ඉඩම් ප්‍රශ්ණ, තම දරුවන්ගේ අධ්‍යාපන ප්‍රශ්ණ, ඇතුළු විවිධ ප්‍රශ්ණ පවතිනවා මේ සදහා විසදුම් ලබා දිමටත් පියවර ගත යුතුයි මෙම ප්‍රදේශයේ පවතින රැකියා ප්‍රශණය විසදිම සදහා මෙම දිස්ත්‍රික්කයේ විවිධ කර්මාණ්ත ශාලා ඇති කිරිමට පියවර ගත යුතුයි.
එමෙන්ම විදුහල්වල පවතින විවිධ අඩු පාඩු සකස්කර දි ඒ තුලින් මෙම ප්‍රදේශයේ දරුවන්ට හොද අධ්‍යාපනයක් ලබා ගැනිමට හැකිවන පරිසරයක් සකස් කල යුතුයි එමෙන්ම විවිධ වෘත්තිය පුහුණු ලබා දිම සදහා වෘත්තිය පුහුණු මධ්‍යස්ථාන ඇති කල යුතුයි ඒ සදහා අවශ්‍ය සැලසුම් මා විසින් මේ වන විට සකස් කර අවසන්.
එම සැලසුම් ක්‍රියාත්මක කිරිම සදහා ඔබලාගේ වටිනා ඡන්දය මා වෙත ලබා දෙන ලෙස මේ දිස්ත්‍රික්කයේ සියළුම දෙනාගෙන් ඉල්ලා සිටිනවා.
මනුර සුදත් සෙල්ලහේවා – හැටන්
