මෙවර පැවැත්වෙන පාර්ලීමේන්තු මැතිවරණයේදි එක්සත් ජාතික පක්ෂ නුවරඑළිය දිස්ත්‍රික්කයෙන් මන්ත්‍රි ධුර හතරක් හිමිකර ගැනාමට උත්සහා කරන බව එක්සත් ජාතික පක්ෂ නුවරඑළිය දිස්ත්‍රික් අපේක්ෂක කේ. කේ. පියදාස මහතා පවසයි.
පාර්ලීමේන්තු මැතිවරණය පිලිබදව හැටන් කොට්ඨාශයේ එක්සත් ජාතික පක්ෂ නියෝජිතයන් පිරිසක් සමග පැවති සකච්චාවකින් පසුව හැටන්හි පිහිටි ඒ මහතාගේ කාර්යාලයේදි මාධ්‍ය වෙත අදහස් දක්වමන් මේ බව පැවසු පියදාස මහතා එහිදි වැඩි දුරටත් මෙසේද පවසන ලදි.
මෙවර පාර්ලීමේන්තු මැතිවරණය සදහා නුවරඑළිය දිස්ත්‍රික්කයට අපි ඡන්දය ඉල්ලන්නේ මෙම ප්‍රදේශයේ ජනතාවට හුරු පුරුදු අලියා ලකුණින් එම තත්වයන් මත මෙම ප්‍රදේශයේ එක්සත් ජාතික පාක්ෂිකයන් බොහෝ පිරිසක් මේ වන විට අප වටා එක් වෙමින් සිටිනවා.
පසු ගිය කාලයේදි විවිධ ප්‍රශ්ණ මත අපේ සමහර පාක්ෂිකයන් තම ඡන්දය දමන්න ඡන්ද පලට ගියේ නැහැ එත් මෙම මැතිවරණයේදි එම පිරිස් තම ඡන්දය නිසි ලෙස අපිට ලබා දෙන බව පවසමින් අප වටා එක් වෙනවා.
නුවරඑළිය දිස්ත්‍රික්කයේ ජනතාවගේ ආදායම් තත්වයන් වැඩි කිරිම සදහා අප සතුව යෝජනා රාශියක් පවතිනවා මෙහි සංචාරක ව්‍යාපාරය නගා සිටුවිම තුලින් මෙම ප්‍රදේශයේ ජනතාවගේ ආර්ථිකය වැඩි කිරිමටත් හැකියාව පවතිනවා එමෙන්ම මෙම ප්‍රදේශ තුල විවිධ ස්වයං රැකියා නිර්මාණය කර ඒ තුලින්ද මේ ජනතාවගේ ආර්ථිකය ශක්තිමත් කිරිමටත් සැලසුම් අප සතුව තිබෙනවා.
මෙසේ මෙහි ජනතාවගේ ආර්ථිකය ශක්තිමත් කල විට එම ජනතාවට තම දෙපයින් සිට ගැනිමට හැකි වනවා එසේ ඔවුන්ගේ ආර්ථිකය ශක්තිමත්වු විට ඔවුන් තුල පවතින විවිධ ගැටලුවලට නිසි විසදුම් ලැබිම තුලින් ඔවුන්ට තම දරු පවුල් සමග සතුටින් සිටිමට හැකි වනවා.
මම නිරන්තරයෙන් උත්සහා කරන්නේ මෙම ප්‍රදේශවල ජිවත් වන අහිංසක ජනතාවගේ දියුණුව උදේසා මට කල හැක්කේ කුමක්ද එයට කල හැකි උපකාරය කුමක්ද යන්නයි පසු ගිය කාලය තුලදිද මට කල හැකි උදවු උපකාර මෙම ප්‍රදේශයේ ජනතාව වෙනුවෙන් ඉටු කලා එය ඉදිරියටත් ගෙන යාමට මා නිරන්තරයෙන් පියවර ගන්නවා.
මනුර සුදත් සෙල්ලහේවා – හැටන්
