හැටන් ගාමිණි පුර සිත්ති විනායගර් හින්දු දේවාලයේ කොත් පැලදවිමේ මහ කුම්භාබිසේක උත්සවය මේ මස 30වන දින පැවැත්වෙනු ඇත.
එහි කොඩි එසවිම 24වන දින පැවති අතර දේව ප්‍රථිමාවල තෙල් ආලේප කිරිම 29වන දින පෙරවරු 8.00 සිට පස්වරු 4.00 දක්වා පැවැත්වෙනු ඇත.
ඉන් අනතුරුව පැවැත්වෙන කොත් පැලදවිම හෙවත් මහ කුම්භාභිෂේක උත්සවය 30වන දින පෙරවරු 9.15ට සිදු කරන බව එහි බාර කාර මණ්ඩලය පවසති.
එම හංදු දේවාලයේ කොඩි එසවිමේ පුජාව 24වන දින ජනාධිපතිධුර අපේක්ෂක හිටපු පාර්ලීමේන්තු මංත්‍රි කේ. කේ. පියදාස මහතා ඇතුළු පිරිසකගේ ප්‍රධානත්වයෙන් පැවැත්විනි.
මෙහිදි අදහස් දැක්වු කේ. කේ. පියදාස මහතා පවසන ලද්දේ මෙම ප්‍රදේශයේ ජිවත්වන ජනතාවගේ ඉල්ලිම මත 2017 වර්ෂයේ පෙබරවාරි මස 10වන දින මෙම හිංදු දේවාලය ඉදිකිරිම සදහා තමන් ඇතුළු පිරිසක් විසින් මුල් ගල් තබා මෙහි ඉදිකිරිම් සදහා මා හට කල හැකි උදවු උපකාර මම සිදු කලා .
එම මුල් ගල් තැබිමෙන් වසර කිපයකට පසුව මෙම හිංදු දේවාලය මෙසේ ඉදිකර ඇති බවත් එය දැඩි සතුටට කරුනක් මෙම ප්‍රදේශයේ සිංහල, ද්‍රවිඩ, මුස්ලිම්, සියළුම දෙනා ජාති ආගම් භේදයෙන් තොරව කටයුතු කරන පිරිසක් මෙම ප්‍රදේශය තුල ජාතිවාදි ගැටුම් ඇති නොවිම තුලින් හැටන් නගරය සාමයේ නගරය ලෙස හදුන්වනවා.
එහෙත් මේ වන විට හැටන් නගරය පවතින ආකාරය ඉතා කනගාටුදායකයි මොකද මේ වන විට මේ නගරය ඉතාමත් අපිරිසිදු තත්වයකයි පවතින්නේ මෙය වෙනස් කරන්න අපි උත්සහා කලා එත් සමහර බල ලෝභි දේශපාලකයන් නිසා එය කරන්න බැරි වුනා.
මේ කෝවිල් පන්සල් පල්ලි හැදුවට වැඩක් නැහැ එහි ආගමික වතාවත් සදහා ප්‍රදේශයේ ඔබලා සහාභාගි විය යුතුයි එමෙන්ම අපි තුල පවතින මෙම එකමුතු කම ඉදිරියටද පවත්වා ගෙන යායුතු අතර අපි සියලුම දෙනා ශ්‍රි ලාංකිකයන් ලෙස එකම පවුලක් ලෙස ජිවත් විය යුතුයි.
මෙහිදි අදහස් දැක්වු හැටන් දික්ඔය නගර සභාවේ හිටපු නාගරික මංත්‍රි ඒ. පි. අනුරද සිල්වා මහතා පියදාස මහතාගේ මුලිකත්වය තුලින් මෙම කෝවිල ඉදිකිරිමේ කටයුතු ආරම්භවුනාට පසුව මෙම ප්‍රදේශයේ සිංහල දෙමල මුස්ලිම් සියලුම දෙනාගේ සහාය මත මෙම කෝවිල අද ඉදිකිරිම් නිමවි තිබෙනවා.
දැන් මේ ගාමිණි පුර ප්‍රදේශය තුල පන්සලක් මුස්ලිම් පල්ලියක් කතෝලික මධ්‍යස්ථානයක් මෙන්ම කෝවිලක්ද පවතිනවා මෙම ප්‍රදේශයේ ජනතාව ඉතාමත් සහයෝගයෙන් ජිවත් වන පිරිසක් මෙම තත්වයන් ඉදිරියටත් පවත්වාගෙ යාමට අපි පියවර ගත යුතුයි මෙම කෝවිලේ උන්නතිය සදහා මාහට කල හැකි හැම උපකාරයක්ම ඉදිරියේදි කිරිමට මම පියවර ගන්නවා.
මනුර සුදත් සෙල්ලහේවා – හැටන්
