සත්කාරක එංගලන්ත කණ්ඩායම සමගින් පැවැති දෙවැනි සහ අවසන් ටෙස්ට් තරගය කඩුලූ 8කින් ජය ගැනීමට නවසීලන්තය ඊයේ (13) සමත් විය.
ඒ අනුව දෙරට අතර කි‍්‍රයාත්මක වූ තරග 2කින් සමන්විත ටෙස්ට් තරගාවලිය 1-0ක් ලෙස ජය ගනිමින් තරගාවලියේ ජය වාර්තා කිරීමට නවසීලන්තයට හැකියාව ලැබිණි.
නවසීලන්තය අවසන් වරට 1999දී එංගලන්තයේදී එංගලන්ත කණ්ඩායමට එරෙහිව ටෙස්ට් තරගාවලියක් ජය ගැනීමට සමත්වී සිටියේය.
ඒ අනුව අදාළ තරගාවලි ජයත් සමගින් වසර 22කට පසු එංගලන්ත කණ්ඩායමට එරෙහිව එංගලන්තයේදී ටෙස්ට් තරගාවලියක් ජය ගත් පළමු අවස්ථාව මෙය වේ.
දෙරට අතර පළමු ටෙස්ට් තරගය ජය පරාජයෙන් තොරව අවසන් විය.
