ඔස්ට්‍රේලියාව⁣ට එරෙහිව ශ්‍රී ලංකාව⁣ට වාර්තාගත එක්දින තරගාවලි ජයක්

ඔස්ට්‍රේලියානු කණ්ඩායම සමග පැවැත්වෙන එක්දින තරගාවලිය තරග 3-1ක් ලෙස ජය ගැනීමට ශ්‍රී ලංකාව පිල සමත් විය.

මෙම ජයග්‍රහණයත් සමග ශ්‍රී ලංකා කණ්ඩායම මීට වසර 30ක් පැරණි වාර්තාවක් අලුත් කිරීමට සමත් විය. ඒ වසර 30කට පසු සිය මව් බිමේදී ඔස්ට්‍රේලියාවට එරෙහිව එක්දින තරඟාවලි ජයක් අත් කර ගැනීමට සමත්වීමත් සමගයි.

මුලින්ම පන්දුවට පහරදුන් ශ්‍රී ලංකා පිල පන්දුවාර 49කදී සියලුදෙනා දැවී ලකුණු 258ක් රැස්කර ගැනීමට සමත් විය.

ශ්‍රී ලංකා පිල වෙනුවෙන් ප්‍රවේගකාරී පිතිහරඹයක නිරත වූ චරිත් අසලංක සිය මංගල එක්දින ශතකය වාර්තා කිරීමට සමත් විය.

චරිත් අසලංකට අමතරව ධනංජය සිල්වා අද ලකුණු 60ක් ලබාගත්තේය.

ඕස්ට්‍රේලියානු පිලට නියමිත පන්දුවාර 50 තුළ සියලුදෙනා දැවී රැස්කර ගත හැකි වූයේ ලකුණු 254 ක් පමණි.

ඕස්ට්‍රේලියානු පිල වෙනුවෙන් ඩේවිඩ් වෝනර් ලකුණු 99ක් රැස්කර ගත්තේය.

ශ්‍රී ලංකා පිල වෙනුවෙන් චාමික කරුණාරත්න, ධනංජය සිල්වා සහ ජෙෆ්රි වැන්ඩර්සි කඩුළු 2 බැගින් ලබා ගැනීමට සමත් විය.