|
මේ වසරේ නොවැම්බර් 16 වන දින පැවැත්වීමට නියමිතව ඇත්තේ 08 වැනි ජනපතිවරණයයි. ඒ සඳහා නාම යෝජනා බාර ගැනීම ඔක්තෝබර් 07 වන දින සිදු වූ අතර එහිදී මෙවර අපේක්ෂක ලැයිස්තුව ප්‍රකාශයට පත් කරමින් මැතිවරණ කොමිෂන් සභාව දන්වා ඇත්තේ මෙවර ජනපතිවරණය සඳහා කෝටි 500ක මුදලක් වැය වනු ඇති බවද එය අපේක්ෂා කළ මුදලට වඩා තවත් රුපියල් කෝටි 100ක වියදමක් බවයි. මීට ප්‍රධානම හේතුව වී ඇත්තේ මෙවර ජනපතිවරණය සඳහා බලාපොරොත්තු නොවූ ලෙසට විශාල අපේක්ෂකයින් පිරිසක් ඉදිරිපත් වී සිටීමයි. මැතිවරණ පැවැත්වීම ප්‍රජාතන්ත්‍රවාදයේ අත්‍යවශ්‍ය අංගයක් වුවද ඒවා සඳහා වැය වන්නේ මහජන මුදල්ය. එබැවින් එම වියදම් හැකිතාක් දුරට අවම කර ගැනීමට අවශ්‍ය පියවර ගැනීම වැදගත් වේ.
පසුගිය ජනාධිපතිවරණ සඳහා තරග කළ අපේක්ෂකයන් පිළිබඳ දත්ත වලට අනුව ලංකාවේ පැවති මුල්ම ජනපතිවරණය වූ 1982 වසරේ පැවති ජනපතිවරණය සඳහා අපේක්ෂකයින් 06 දෙනෙකු ඉදිරිපත්වී ඇත. 1988 ජනපතිවරණයේදී අපේක්ෂකයින් 03 දෙනෙකු තරග කර ඇත. 1994 ජනපතිවරණයේදී එම ගණන දැක්වුනේ 06ක් ලෙසය. 1999 ජනපතිවරණයේදී 13කි. 2005 ජනපතිවරණයේදීද 13කි. 2010 ජනපතිවරණයේදී 22කි. අවසන් වරට පැවති 2015 ජනවාරි 08 වැනි දින පැවති ජනපතිවරණයට අපේෂකයින් 19 දෙනෙක් තරග කළහ. මෙවර පැවැත්වෙන ජනපතිවරණය සඳහා අපේක්ෂකයින් 35ක් තරම් විශාල පිරිසක් තරග කරන නිසා අගල් 26ක් දිග ඡන්ද පත්‍රිකාවක් මුද්‍රණය කිරීමට මැතිවරණ කොමිසමට සිදුවී තිබේ. මෙසේ අපේක්ෂකයින් ප්‍රමාණය වැඩිවීම නිසා ඡන්ද පොළ නියෝජිතයන්ගේ සංඛ්‍යාව 70 දක්වාත් ඡන්ද ගණන් කිරීමේ නියෝජිතයන්ගේ සංඛ්‍යාව 175 දක්වාත් ඉහළ යන බව මැතිවරණ කොමිසම මේ වන විටත් ප්‍රකාශ කොට තිබේ.
මේ සම්බන්ධයෙන් අදහස් දක්වන මැතිවරණ ප්‍රචන්ඩ ක්‍රිය නිරීක්ෂණ මධ්‍යස්ථානයේ ජාතික සම්බන්ධීකාරක මංජුල ගජනායක මහතා කියා සිටින්නේ ජනපතිවරණය සඳහා ඇප තැන්පත් කිරීමේදී එසේ තැන්පත් කළ යුතු මුදල් ප්‍රමාණය දැක්වෙන නීතිය 1981 සිට මේ දක්වා සංශෝධනය වී නොමැති බවත් එබැවින් එම වකවානු වල පැවති ඇප තැන්පත් කිරීමේ මුදලම තවමත් ක්‍රියාත්මක වන බවත් ඊට සාපේක්ෂව බලන විට රජයේ මාණ්ඩලික නිලධාරියෙකුගේ වැටුප 50 ගුණයකින් පමණ ඉහළ ගොස් ඇති බවත් එම තත්වය මීට බරපතල ලෙස බලපා ඇති බැවින් මෙම ඇප තැන්පත් කිරීමට අදාළ මුදල් ප්‍රමාණය සංශෝධනය කිරීම කෙරෙහි ව්‍යවස්ථාදායකයේ අවධානය යොමු විය යුතු බවයි.
සටහන : හිරෝෂන් ලක්ෂාන්
|
|
|
More Stories
ශ්‍රී ලංකාව දිළිදුකම පිටුදැකීම, ඩිජිටල්කරණය සහ ආර්ථික වර්ධනය කෙරෙහි අවධානය යොමු කරයි
ජනාධිපති අනුර කුමාර දිසානායක මහතා සහ ලෝක බැංකු සභාපති අජේ බංගා (Ajay Banga) අතර සාකච්ඡාවක් සිදුව තිබේ. ඊයේ (27) ජනාධිපති කාර්යාලයේදී මාර්ගගත තාක්ෂණය ඔස්සේ මෙම සාකච්ඡාව පවත්වා ඇති බවයි ජනාධිපති මාධ්‍ය අංශය සඳහන් කරයි. ශ්‍රී ලංකාවේ අනාගත සංවර්ධන ප්‍රමුඛතා පිළිබඳ එම සාකච්ඡාවේදී අවධානය යොමුව තිබේ. නව රැකියා අවස්ථා නිර්මාණය කිරීම සහ ඉදිරි සංවර්ධන අභියෝග ජය…
වැල්පාලමේ ගමනේ 75%ක් අවසන්
රටේ ආර්ථිකය ස්ථාවර කරමින් තමන් මේ වන විට වැල් පාලමේ ගමනේ 75%ක් පමණ දුර පැමිණ ඇති බව ජනාධිපති රනිල් වික්‍රමසිංහ මහතා පවසයි. ඊයේ (16) පස්වරුවේ අම්පාරේ පැවති “රනිල්ට පුළුවන්” විජයග්‍රාහී ජන රැලිය අමතමින් ඔහු කියා සිටියේ වැල් පාලමේ ගමන සම්පූර්ණ කරමින් යළි නොවැටෙන ශක්තිමත් ආර්ථිකයක් රට තුළ ඇති කිරීමට නම් මෙම ලබන 21 වනදා පක්ෂ…
තමන් ජනාධිපති මැතිවරණයට තරග කරනුයේ දිනන්න නොව කියන්නයි – මෛලයග අරියසල් අරංගම් නායක එම්. තිලකරාජ්
තමන් ජනාධිපති මැතිවරණයට තරග කරනුයේ දිනන්න නොව කියන්න බව මෛලයග අරියසල් අරංගම් නායක ජනාධිපති අපේක්ෂක එම්. තිලකරාජ් මහතා පවසයි. හැටන්හි පිහිටි ඒ මහතාගේ කාර්යාලයේදි මේ බව පැවසු එම්. තිලකරාජ් මහතා එහිදි වැඩි දුරටත් මෙසේද පවසන ලදි. 1948 වර්ෂයේදි නිදහස ලැබිමෙන් පසුව 1949 වර්ෂයේදි පාර්ලීමේන්තු පනතකින් මේ වතුකර ජනතාවගේ පුරවැසි අයිතිය අයින් කලා එයට පසුව 1977…
රජයේ වැඩපිළිවෙළ අතරමග නතර කළහොත් රටේ ආර්ථිකය යළි කඩා වැටෙනවා – ජනපති
කිසිවෙකුට විසඳිය නොහැකි යැයි පැවසු ආර්ථික අර්බුදය විසඳීමට තමන් සමත් වුවත් නිසි ආර්ථික පරිවර්තනයක් සිදු නොකර මෙම වැඩපිළිවෙළ අතරමග නතර කළහොත් යළිත් රටේ ආර්ථිකය කඩා වැටෙන බව ජනාධිපති රනිල් වික්‍රමසිංහ මහතා පවසයි. ඒ අනුව මෙවර ජනාධිපතිවරණයේ දී ජනතාව තම අනාගතය පිළිබඳ සිතා තීන්දුවක් ගතයුතුව ඇති බවයි සමාජ මාධ්‍ය ජාලා ඔස්සේ ඉදිරිපත් වූ ප්‍රශ්නවලට පිළිතුරු ලබාදීමේ…
වත්මන් ජනාධිපතිට අද වන විට මන්ත්‍රීවරුන් 116 දෙනෙකුගේ සහාය
ඉදිරි ජනාධිපතිවරණයේදී ජනාධිපති රනිල් වික්‍රමසිංහ මහතා ගේ ජයග්‍රහණය වෙනුවෙන් කැපවෙන බව ශ්‍රී ලංකා පොදුජන පෙරමුණ සහ එක්සත් ජාතික පක්ෂය නියෝජනය කරන පළාත් සභා වල හිටපු මහජන නියෝජිතයන් 116ක් ජනාධිපතිවරයාට දැනුම් දුන් බව ජනාධිපති කාර්යාලය පවසයි. ශ්‍රී ලංකා පොදුජන පෙරමුණ සහ එක්සත් ජාතික පක්ෂය නියෝජනය කරන පළාත් සභා වල හිටපු මහජන නියෝජිතයින් සමඟ පැවති හමුවකදී මහජන…
ආර්ථික පරිවර්තන පනත අද විවාදයට
ශ්‍රී ලංකාව නැවත බංකොලොත් රටක් බවට පත් නොවන තැනට වගබලා ගැනීමට මඟපාදන ආර්ථික පරිවර්තන පනත ගැන අද (25) පාර්ලිමේන්තුවේදී විවාද කරන බව මුදල් රාජ්‍ය ඇමැති ආචාර්ය රංජිත් සියඹලාපිටිය මහතා ප්‍රකාශ කළේය. ශ්‍රී ලංකාවේ ණය තිරසරභාවය ඇති කර ගැනීම මූලික ඉලක්කය කොටගත් ප්‍රතිපත්තිමය තීන්දුවක්, එය ළඟා කර ගැනීමට වැඩපිළිවෙළක් සහිත ඉතා දැඩි මූල්‍ය විනයක් සහ ආර්ථික…